DÜNYA


“Sarı jiletlər”in etiraz aksiyasının 10-cu həftəsində meydan və küçələrə 84 min aksiyaçı çıxıb

Paris, 20 yanvar, AZƏRTAC

“Sarı jiletlər”in etiraz aksiyasının 10-cu həftəsində meydan və küçələrə 84 min aksiyaçı çıxıb. Bu barədə Fransa Daxili İşlər Nazirliyi məlumat yayıb.

AZƏRTAC xəbər verir ki, Parisdəki aksiyalarda 7 min nəfər iştirak edib. “Les İnvalides” hərbi muzeyi qarşısında toplaşan aksiyaçılar İtaliya meydanına doğru irəliləyiblər.

Tuluz şəhərində 10 min aksiyaçı küçələrə çıxıb. Əyalətlərdə aksiyaçıların sayının artdığı bildirilir.

Bugünkü aksiya zamanı polis gözyaşardıcı qazdan və su şırnağından istifadə edib. Ölkədə polisin rezin güllələrdən düzgün istifadə etmədiyi, belə güllələrdən istifadə ilə bağlı təlim keçmədiyi bildirilir, nümayişçilərə qarşı hədsiz aqressiv olduğu qeyd edilir. Polisin LBD silahlardan sui-istifadə etdiyi vurğulanır.

Qeyd edək ki, etiraz aksiyası başlayandan bəri 12 aksiyaçı ölüb, 100-ü ağır olmaqla, 2 minə yaxın nümayişçi yaralanıb. Yaralılar arasında əlil olanlar da var.

 

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.