REGİONLAR


Şəkililər ağacəkmə kampaniyasına qoşulublar

Şəki, 6 aprel, Mustafa Dadaşov, AZƏRTAC

“Bu yaz özün bir təbiət yarat!” devizi altında Ekologiya və Təbii Sərvətlər Nazirliyinin başladığı yaz ağacəkmə kampaniyası çərçivəsində aprelin 6-da Şəkidə təşkil olunan aksiya zamanı İnçə bələdiyyəsinin ərazisində 2500-dən çox müxtəlif növ ağac tingi əkilib.

Bu barədə AZƏRTAC-ın bölgə müxbirinə Ekologiya və Təbii Sərvətlər Nazirliyinin 7 saylı Regional Ekologiya və Təbii Sərvətlər İdarəsindən məlumat verilib.

Qurumdan bildiriblər ki, Regional İdarənin və Şəki Şəhər İcra Hakimiyyətinin birgə təşkilatçılığı ilə keçirilən aksiya zamanı Şəki-Qax magistral avtomobil yolunun kənarında nazirliyin yerli müəssisəsinin tinglik təsərrüfatında yetişdirilmiş ərik, göyrüc və şam ağacı tingləri əkilib. Aksiyada 250 nəfər iştirak edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.