ELM VƏ TƏHSİL


Şəmsəddin Şəmsinin “Dəh Mürğ” poemasının əlyazma nüsxələri əldə olunub

Bakı, 26 sentyabr, AZƏRTAC

AMEA-nın Məhəmməd Füzuli adına Əlyazmalar İnstitutunun icraçı direktoru filologiya elmləri doktoru Paşa Kərimov indiyədək ədəbiyyat tariximizə məlum olmayan, Şəmsəddin Şəmsi və ya Dərviş Şəmsi adı ilə tanınmış, XV-XVI əsr Azərbaycan şairinin “Dəh Mürğ” (On quş) poemasının 5 əlyazma nüsxəsini əldə edib.

Bu barədə AZƏRTAC-a AMEA-dan bildirilib. Təzkirələrdə verilən məlumata görə, şair Azərbaycanda doğulub, sonralar Türkiyəyə köçüb. Əsər əvvəlcə Osmanlı imperatoru Sultan Səlimə, onun ölümündən sonra isə düzəlişlər edilərək Sultan Süleyman Qanuniyə ithaf edilib. Fəridəddin Əttarın “Məntiq üt-teyr” poemasının təsiri ilə Azərbaycan dilində yazılmış bu əsərin əlyazmalarının surətlərinin ikisi Paris Milli Kitabxanasından, biri ABŞ Konqres kitabxanasından, biri İstanbul Universitetinin, biri isə Almaniyanın Leypsiq Universitetinin kitabxanalarından əldə olunub.

Əldə olunan əlyazmaların elektron versiyası ilə institutun oxu zalında tanış olmaq mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.