DÜNYA


Şengen vizalarının verilməsində yeni qaydalar tətbiq edilib

Berlin, 2 iyun, AZƏRTAC

Şengen vizasını almaq istəyənlərin şəxsiyyətlərinin, bioqrafiyalarının və Avropa İttifaqına (Aİ) üzv dövlətlərin milli məlumat sistemlərinin qarşılıqlı inteqrasiyasının daha dəqiq yoxlanılması Avropa İttifaqına daxil olmağa icazə verilərkən bütün Şengen zonasına şamil edilir.

AZƏRTAC xəbər verir ki, Aİ Şurası son iclasında bu vizaların verilməsi üçün yeni qaydalar qəbul edib. Yeni qaydalar aplikantların yoxlanmasını sərtləşdirməyə və onların arasından miqrasiya qaydalarına riayət etməyənləri və ya bütün zonanın təhlükəsizliyi üçün risk yarada biləcək qanun pozucularını müəyyənləşdirməyə kömək edəcək.

Bu tədbirlər Şengen turist vizaları verilərkən təhlükəsizlik tədbirlərinin gücləndirilməsinə yönəlib. Yeni qaydalara görə, Şengen vizası almaq istəyənlərin fotoşəkili əvvəlcə deyil, sənədlərin təqdim edildiyi gün çəkilməlidir. Bu qayda 6 yaşından başlayaraq hər kəsə şamil edilir. Şengen vizası barmaq izləri kimi biometrik məlumatları tələb edir. Bu məlumatlar bazada 5 il ərzində saxlanılacaq və Avropa İttifaqına üzv olan bütün dövlətlərin hüquq-mühafizə orqanlarının həmin bazaya çıxışı olacaq.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.