DÜNYA


Səudiyyə Ərəbistanı kralı Yeni Zelandiyada terror hücumu qurbanlarının ailələrini həcc ziyarətinə dəvət edib

Ər-Riyad, 18 iyul, AZƏRTAC

Səudiyyə Ərəbistanı kralı Salman bin Əbdüləziz Al Səud Yeni Zelandiyadan 200 zəvvarın krallığın hesabına həcc ziyarətinə dəvət edilməsi barədə fərman imzalayıb.

AZƏRTAC yerli KİV-ə istinadla xəbər verir ki, həcc ziyarətinə Yeni Zelandiyanın Kraystçerç məscidlərində törədilmiş terror hücumu qurbanlarının ailə üzvləri dəvət olunub.

Krallığın İslam İşləri üzrə naziri Əbdüllətif bin Əbdüləziz Al Aşşeyx bildirib ki, nazirlik zəvvarlar qrupunun siyahısını Səudiyyə Ərəbistanının Yeni Zelandiyadakı səfirliyi vasitəsilə tərtib edir.

Adətən Yeni Zelandiya müsəlmanları həcc ziyarətini həyata keçirmək üçün 15 min dollara yaxın pul ödəyirlər, lakin terror hücumu qurbanlarının ailələri üçün bu ziyarət pulsuz olacaq. Həccə, həmçinin ən-Nur məscidində terror hücumu zamanı 9 güllə alan, lakin sağ qalan Temel Atakoglu dəvət olunub.

Asya Hacızadə

AZƏRTAC-ın xüsusi müxbiri

Ər-Riyad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.