İDMAN


Seyko Haşimoto: Tokio Olimpiadasının tamaşaçısız keçirilməsi istisna deyil

Bakı, 28 aprel, AZƏRTAC

Tokioda keçiriləcək Yay Olimpiya və Paralimpiya Oyunlarının təşkilatçıları yerli azarkeşlərin mümkün olacaqsa, Oyunlara tamaşaçı qismində buraxılmasına icazə verilməsini gözləyirlər.

AZƏRTAC xəbər verir ki, bu barədə “Tokio-2020” Olimpiadasının təşkilat komitəsinin rəhbəri Seyko Haşimoto mətbuat konfransında məlumat verib.

O qeyd edib ki, Oyunların tam olaraq tamaşaçısız keçirilməsi variantı hələ də istisna edilmir: “Oyunları tamaşaçısız qəbul etməyə hazırıq. Amma ümid edirik ki, mümkün qədər çox azarkeş Oyunları tamaşaçı qismində izləyə bilər”.

Xatırladaq ki, Tokio Olimpiadası 2020-ci il iyulun 24-dən avqustun 9-dək keçirilməli idi. Lakin koronavirus pandemiyası səbəbindən yarışların vaxtı bir il sonraya dəyişdirilib və onun bu il iyulun 23-dən avqustun 8-dək təşkili gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.