DÜNYA


Şinzo Abe : Konstitusiyaya düzəlişlərlə bağlı müzakirələrin vaxtı çatıb

Tokio, 13 avqust, AZƏRTAC

Atası – Yaponiyanın sabiq Xarici İşlər naziri Şintaro Abenin məzarını ziyarət edən Baş Nazir Şinzo Abe ölkə Konstitusiyasında düzəlişlərin vaxtının çatdığını bildirib.

AZƏRTAC NHK telekanalına istinadla xəbər verir ki, bu barədə o, avqustun 13-də həmin səfər zamanı jurnalistlərə bəyan edib. Ş.Abenin atasının qəbiri Baş Nazirin seçki məntəqəsinin də daxil olduğu Yamaquçi prefekturasında yerləşir.

Baş Nazir vurğulayıb ki, o, atasını Reiva dövründə keçirilən ilk ümumi seçkilərdə qələbəsi barədə məlumatlandırıb və bundan seçkilərin etimadını doğrultmaq üçün böyük motivasiya aldığını da deyib.

Xatırladaq ki, Ş.Abenin rəhbərlik etdiyi hakim koalisiya parlamentin yuxarı palatasına ötən ay keçirilən seçkilərdə qələbə qazanıb.

Baş Nazir, həmçinin qeyd edib ki, o atasına konstitusiyada düzəlişlərin aparılması ilə bağlı müzakirələrin vaxtının çatması barədə də məlumat verib.

Eyni zamanda, Ş.Abe bunun rəhbəri olduğu Liberal Demokratik Partiya qarşısında duran ən çətin vəzifə olduğunu da bildirib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.