CƏMİYYƏT


Şirvandakı “Sərfəli” marketdə istehlaka yararsız məhsullar aşkar olunub

Bakı, 15 fevral, AZƏRTAC

Qida Təhlükəsizliyi Agentliyi istehlakçı hüquqlarının qorunması, həmçinin qida təhlükəsizliyinin təmin edilməsi istiqamətində tədbirləri davam etdirir.

Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, daxil olan məlumat əsasında Şirvan şəhərinin T. İsmayılov küçəsində yerləşən fiziki şəxs Muradov Rövşən Məhəmmədəli oğluna məxsus "Sərfəli" marketdə yoxlama keçirilib.

Yoxlama zamanı ərzaq mağazasında istifadə müddəti bitmiş məhsullar aşkar edilib. Araşdırma zamanı müəssisədə malların saxlanılması və satışı qaydalarının, həmçinin sanitar norma və qaydalarının kobud şəkildə pozulduğu müəyyən edilib. Mağazada istifadə müddəti bitmiş məhsulların satışının qadağan olunması və məhv edilməsi barədə qərar qəbul edilib. Aşkar edilmiş nöqsanlarla əlaqədar müəssisənin rəhbərliyi inzibati məsuliyyətə cəlb olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.