İDMAN


Son 17 ilin rekordu təkrarlanıb

Bakı, 24 noyabr, AZƏRTAC

Azərbaycan Premyer Liqasının X turunda baş tutan 4 oyunda 19 qol vurulub. “Qarabağ” – “Sumqayıt” matçında (6:1) 7, “Qəbələ” – “Neftçi” oyununda (1:4) 5, “Zirə” – “Keşlə” qarşılaşmasında (3:1) 4, “Sabah” – “Səbail” görüşündə (2:1) 3 qol qeydə alınıb.

AZƏRTAC xəbər verir ki, turun orta məhsuldarlığı 4,75-ə bərabərdir. Bu, nəinki cari mövsümün rekordu, son 17 ilin ən yüksək göstəricisinin təkrarıdır. 2016/2017-ci il mövsümünün IV turunda da indiki kimi 4 oyunda 19 qol vurulub. 2016-cı il sentyabrın 9-11-də keçirilən turda “Qəbələ” “Neftçi”ni 8:0, “Qarabağ” AZAL-ı 6:0, “Keşlə” “Sumqayıt”ı 2:1, “Kəpəz” “Zirə”ni 2:0 hesabı ilə üstələyib.

Daha yüksək məhsuldarlığa sonuncu dəfə 2003-cü il avqustun 2-3-də təsadüf olunub. 2003/2004-cü il mövsümünün XII turunun 6 matçında 29 qol vurulub. Orta məhsuldarlıq 4,83-ə bərabər olub. Həmin vaxt “Qarabağ-Azərsun” “Ədliyyə”ni 7:0, “Şəmkir” “Turan”ı 5:1, “Xəzər Universiteti” “Lokomotiv”i 5:0, “Neftçi” Sumqayıt “Xəzər”ini 3:1, “Kəpəz” MOİK-i 1:0 hesabı ilə məğlub edib, “Bakılı” – “Dinamo” matçı 3:3 hesabı ilə başa çatıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.