İQTİSADİYYAT
Standartlaşdırma, Metrologiya və Patent üzrə Dövlət Komitəsi sertifikat vermir
Bakı, 6 aprel, AZƏRTAC
Standartlaşdırma, Metrologiya və Patent üzrə Dövlət Komitəsi sertifikat vermir.
Bu sözləri mətbuat konfransında Standartlaşdırma, Metrologiya və Patent üzrə Dövlət Komitəsinin “Azərbaycan Standartlaşdırma İnstitutu”nun baş direktoru Namiq Tağıyev jurnalistlərə müsahibəsində deyib.
O, bildirib ki, sertifikatlaşma prosesi birbaşa sahibkarlıq fəaliyyətinin növüdür və akkreditasiya olunmuş orqanlar tərəfindən verilir. ”Əgər hər hansı bir orqan sertifikat vermək fikrindədirsə, əvvəlcə həmin sahə ilə bağlı öz peşəkarlığını sübut etməli, Azərbaycan Milli Akkreditasiya qurumunda akkreditə olunduqdan sonra həmin fəaliyyətlə məşğul olmalıdır”.
N.Tağıyev diqqətə çatdırıb ki, sertifikatlar yalnız qida məhsullarına deyil, həmçinin mexaniki vasitələrə, yüngül sənaye, tikinti materiallarına yəni iqtisadiyyatın bütün sahələrinə verilir. Sertifikatın alınmasının əsas məqsədi isə üçüncü tərəfin zəmanətini əldə etməkdir.