İQTİSADİYYAT


Sumqayıt Kimya Sənaye Parkında yanğın təhlükəsizliyinə dair maarifləndirmə təlimi olub

Bakı, 29 iyun, AZƏRTAC

İqtisadi Zonaların İnkişafı Agentliyinin (İZİA) təşkilatçılığı, Sumqayıt Kimya Sənaye Parkının rezidenti “Tabaterra” QSC-nin dəstəyi ilə Sənaye Parkının rezidentləri üçün “Sənaye müəssisələrində yanğın təhlükəsizliyi” mövzusunda yanğın-taktiki təlim keçirilib.

İZİA-dan AZƏRTAC-a bildirilib ki, təlimin keçirilməsində məqsəd obyektlərdə mümkün yanğınların söndürülməsi üzrə şəxsi heyətin peşəkar bacarıqlarının gücləndirilməsi, habelə obyektin aidiyyəti heyətinin yanğınlar zamanı ilkin davranış qaydaları barədə biliklərinin artırılması olub. Sumqayıt Kimya Sənaye Parkının ərazisində keçirilən təlimə Fövqəladə Hallar Nazirliyinin Dövlət Yanğından Mühafizə Xidmətinin, Dövlət Yanğın Nəzarəti Xidmətinin, Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin və digər qurumlarının əməkdaşları cəlb edilib. Canlı qüvvələrin və xüsusi təyinatlı texnikaların cəlb olunduğu təlimdə şərti yanğının söndürülməsi, təxliyə və ilkin tibbi yardımın göstərilməsi üzrə məşqlər keçirilib.

Sonda təlimdə iştirak edən sənaye müəssisələrinin əməkdaşları üçün yanğın təhlükəsizliyinin təmin olunması dair müvafiq tövsiyələr verilib, sənaye müəssisələrində yanğın təhlükəsizliyi qaydalarına əməl edilməsinin vacibliyi diqqətə çatdırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.