İDMAN


Sumqayıt idmançıları növbəti uğurlarını qazanıblar

Bakı, 18 noyabr, AZƏRTAC

Beynəlxalq arenada keçirilən turnirlərdə Sumqayıt idmançıları uğurla çıxış edirlər.

AZƏRTAC Gənclər və İdman Nazirliyinin rəsmi saytına istinadla xəbər verir ki, noyabrın 9-dan 11-dək Xorvatiyanın Poreç şəhərində 23 yaşadək cüdoçular arasında keçirilmiş Avropa birinciliyində Azərbaycan milli komandasının üzvü, Sumqayıt idmançısı Gültac Məmmədəliyeva (52 kq) gümüş medal qazanıb.

Noyabrın 11-dən 18-dək qeyri-ənənəvi qaydada - “Zoom” proqramı vasitəsilə təşkil olunan dünya kubokunda isə 67 kq çəki dərəcəsində qüvvəsini sınayan şəhər idmançısı Murad Əliyev birdən qaldırma hərəkətində 120 kiloqram, təkanla qaldırmada isə 139 kiloqramı başı üzərinə qaldıra bilib. Toplam 259 kiloqram nəticə göstərən atletimiz həm birdən qaldırmada, həm də toplamda dünya kubokunun gümüş medalına sahib çıxıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.