DÜNYA


Suriya üzrə Astana prosesi çərçivəsində növbəti görüş keçirilib

Astana, 29 noyabr, AZƏRTAC

Suriya üzrə Astana prosesi çərçivəsində növbəti - 11-ci görüş keçirilib. Noyabrın 28-29-da yekun bəyannamənin razılaşdırılması üçün tərəflər arasında ikitərəfli və üçtərəfli görüşlər olub.

AZƏRTAC xəbər verir ki, Türkiyə, Rusiya, İran, Qazaxıstan nümayəndələrinin görüşündə yekun bəyannamə oxunub.

Bəyannamədə tərəflər Suriyanın ərazi bütövlüyünə, müstəqilliyinə və suverenliyinə bağlılıqlarını vurğulayıb, ölkədə İŞİD və bu kimi terror təşkilatları, habelə BMT-nin Təhlükəsizlik Şurasının siyahısında olan terrorçularla mübarizəyə davam edəcəklərini bildiriblər. Tərəflər İdlib bölgəsində gərginliyin azaldılması üçün Soçi anlaşmasının tamamilə həyata keçirilməsinin vacibliyini qeyd ediblər. Həmçinin tərəflər Suriyada kimyəvi silahlardan istifadə hallarını kəskin şəkildə pisləyiblər.

Girov götürülənlərin qarşılıqlı sərbəst buraxılması üçün tətbiq olunan pilot layihədən məmnunluqlarını bildirən tərəflər, iqtidar və müxaliflər arasında etibarın artırılması üçün işçi qrupun fəaliyyətinin genişləndirilməsini təklif ediblər.

Növbəti görüşün 2019-cu ilin fevralında keçirilməsi qərara alınıb.

İlahə Əhmədova

AZƏRTAC-ın xüsusi müxbiri

Astana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.