TAYSON DÜNYA İDMANININ ƏN MƏNFUR SİMALARI ARASINDA LİDERDİR

AZƏRTAC xarici KİV-lərə istinadla xəbər verir ki, Mayk Tayson dünya idmanında bütün dövrlərin ən mənfur simaları arasında birinci yeri tutur. 39 yaşlı boksçu bu ada Şotlandiya viskisi istehsal edən firmanın sifarişi ilə keçirilmiş ictimai rəy sorğusunun nəticələrinə əsasən layiq görülmüşdür.

“Dəmir Mayk”a belə münasibətin başlıca səbəbi budur ki, o, 1997-ci ildə agırçəkili peşəkarlar arasında dünya çempionu adı uğrunda Evander Hollifild ilə döyüş zamanı rəqibin qulağını dişləmişdir.

Sorğuda ikinci yeri Meksikada 1986-cı il dünya çempionatında İngiltərə komandası ilə görüşdə əli ilə qol vuran argentinalı futbolçu Diyeqo Maradona tutmuşdur.