REGİONLAR


Taekvondo üzrə Ağcabədi rayon turnirində 40-dan çox idmançı mübarizə aparıb

Ağcabədi, 20 oktyabr, AZƏRTAC

Ağcabədi Olimpiya İdman Kompleksində 18 Oktyabr - Müstəqilliyin Bərpası Gününə həsr olunmuş taekvondo idman növü üzrə uşaq, yeniyetmələr və gənclər arasında rayon turniri keçirilib.

AZƏRTAC-ın bölgə müxbiri xəbər verir ki, pandemiya dövrünün qaydalarına uyğun olaraq keçirilən turnirdə 40-dan çox idmançı iştirak edib. Turnirin açılışında çıxış edən Ağcabədi Rayon Gənclər və İdman İdarəsinin rəis müavini Eldəniz Qənbərov ölkəmizdə idmanın inkişafına göstərilən diqqət və qayğıdan danışıb, Müstəqilliyin Bərpası Günü barədə ətraflı məlumat verib. Bildirib ki, pandemiyanın yaratdığı çətinliklərə baxmayaraq, cari ildə keçirilmiş beynəlxalq yarışlarda, Azərbaycan çempionatı və birinciliklərində Ağcabədi taekvondoçularının uğurlu nəticələr əldə etmələri rayonda idmanın inkişafının bariz nümunəsidir.

Gərgin mübarizə şəraitində keçən yarışın sonunda qaliblərə rayon Gənclər və İdman İdarəsi tərəfindən diplomlar təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.