ELM VƏ TƏHSİL


Tarix Muzeyində görkəmli alim Sara Aşurbəyliyə məxsus materiallar qorunur

Bakı, 27 yanvar, AZƏRTAC

AMEA-nın Milli Azərbaycan Tarixi Muzeyinin sənədli mənbələr və təsviri materiallar fondlarında görkəmli alim, tarix elmləri doktoru, Əməkdar elm xadimi Sara Aşurbəyliyə məxsus materiallar qorunur.

Bu barədə AZƏRTAC-a muzeydən məlumat verilib.

Sara Aşurbəyli 1906-cı il yanvarın 27-də Bakı şəhərində anadan olub. O, ali məktəblərdə baş müəllim, dekan vəzifələrində çalışıb, Azərbaycan tarixi, Qərb və Şərq mədəniyyətləri haqqında mühazirələr oxuyub. O, Yaxın və Orta Şərq xalqları tarixinin bilicisi olmaqla yanaşı, həm də rəssam və musiqiçi idi.

Sara Aşurbəyli 1930-1933-cü illərdə Azərbaycan Tarixi Muzeyində Tarixi etnoqrafiya şöbəsində, 1956-1958-ci illərdə isə Orta əsrlər tarixi şöbəsinin müdiri vəzifəsində fəaliyyət göstərib. O, Azərbaycan Elmlər Akademiyasının Şərqşünaslıq İnstitutunda baş elmi işçi, Tarix İnstitutunda elmi katib, baş elmi işçi və aparıcı elmi işçi vəzifələrində işləyib, 1993-cü ildən ömrünün sonunadək akademiyanın Arxeologiya və Etnoqrafiya İnstitutunun aparıcı elmi işçisi olub.

Alim “Bakının tarixinə dair oçerklər”, “Orta əsrlərdə Azərbaycan və Hindistanın iqtisadi və mədəni əlaqələri” və “Şirvanşahlar dövlətinin tarixi” kitablarının müəllifidir.

Görkəmli alim Sara Aşurbəyli 2001-ci ildə vəfat edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.