CƏMİYYƏT


Tbilisidə ailədaxili zorakılığın qarşısının alınmasında dinin rolu mövzusunda konfrans keçirilib

Tbilisi, 4 dekabr, AZƏRTAC

İslam dini zorakılığın bütün formalarını, xüsusən də qadınlara qarşı alçaldıcı, təhqiredici hərəkətlərin və fiziki işgəncələrin əleyhinədir. İslam insan hüquqlarının əvəzsiz qoruyucusudur.

AZƏRTAC xəbər verir ki, bu fikirlər “Ailədaxili zorakılığın qarşısının alınmasında dinin rolu” mövzusunda Tbilisidə keçirilən beynəlxalq konfransda səslənib.

Konfransda müxtəlif dini icmaların rəhbərləri, Gürcüstanın daxili işlər, ədliyyə, elm və təhsil nazirliklərinin nümayəndələri, BMT-nin Əhali Fondunun Gürcüstan ofisinin rəhbəri və başqaları çıxış edərək əsas insan hüquq və azadlıqlarının qorunması, ailədaxili zorakılığın qarşısının alınması ilə bağlı fikirlərini bölüşüb, problemin həllində müxtəlif dinlərin rolunu qeyd ediblər.

Çıxış edənlər ailədaxili zorakılığa qarşı mübarizə ilə əlaqədar İstanbul Konvensiyasının müddəalarının icrasının vacibliyini xüsusi vurğulayıblar.

Gürcüstan Müsəlmanları İdarəsinin şeyxi hacı Ramin İgidov və müfti hacı Beglar Kamaşidze İslam dinində ailə və qadına verilən dəyərlərdən danışıb, bu dinin fiziki, psixoloji və cinsi zorakılığın əleyhinə olduğunu bildiriblər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.