ELM VƏ TƏHSİL


Təhsil İnstitutu mütəxəssis vəzifəsinə vakansiya elan edib

Bakı, 14 may, AZƏRTAC

Təhsil İnstitutu Məktəbəqədər təhsilin inkişafı şöbəsinə mütəxəssis vəzifəsinə vakansiya elan edir.

İnstitutdan AZƏRTAC-a bildirilib ki, uyğun gələn mütəxəssis Məktəbəqədər təhsilin inkişafı şöbəsinin fəaliyyət istiqamətlərinə uyğun olaraq araşdırma aparacaq, araşdırmanın nəticələrinə və qabaqcıl beynəlxalq təcrübələrə əsasən məktəbəqədər təhsilin məzmununun təkmilləşdirilməsi və yeni yanaşmaların tətbiqi istiqaməti üzrə təkliflər verəcək, metodik tövsiyələrin yazılmasına cəlb olunacaq.

Müsabiqədə iştirak etmək istəyənlərin ali pedaqoji təhsili, təhsil sahəsində 3 ildən çox təcrübəsi, təhsil siyasəti və məktəbəqədər təhsil pilləsində məzmun, təlimin inteqrativ təşkili, təlim metodları və uşaq inkişafının dəyərləndirilməsi üzrə bilikləri, erkən uşaq inkişafı, məktəbəqədər psixologiya və pedaqogika, eləcə də müasir pedaqoji yanaşmalar barədə məlumatlılığı olmalıdır. Həmçinin analitik və empirik araşdırmalar aparmaq, əməkdaşlıq və komandada işləmək, kompüter proqramları üzrə bacarıqları olmalıdır. Bundan başqa, namizəddən Azərbaycan və ingilis dillərində səlis şifahi və yazılı ünsiyyət bacarığı (rus dili arzu olunandır), yeniliyə və peşəkar inkişafa açıqlıq və təhsil sahəsində işləmək həvəsi tələb olunur.

Tələblərə uyğun gələn şəxslərdən mayın 27-dək CV-lərini [email protected] ünvanına “Mütəxəssis” başlığı altında göndərmələri xahiş olunur.

Yuxarıda qeyd edilən tələblərə cavab verən şəxslər müsahibəyə dəvət olunacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.