ELM VƏ TƏHSİL


Təhsil Nazirliyi: “e-telebe.edu.az” elektron portalı vasitəsilə müraciətlərin qəbulu sabah yekunlaşır

Bakı, 10 iyun, AZƏRTAC

Təhsil Nazirliyinin “e-telebe.edu.az” elektron portalı vasitəsilə sosial baxımdan həssas əhali qrupuna aid ailələrin üzvü olan tələbələrin təhsil haqqı xərclərinin dövlət tərəfindən ödənilməsinə dair müraciətlərin qəbulu sabah yekunlaşır.

Nazirlikdən AZƏRTAC-a bildirilib ki, müraciətlərin qəbulu iyunun 11-i saat 23:59-dək aktiv olacaq.

Sözügedən qrupdan olan tələbələr güzəştdən yararlanmaq üçün müraciətlərini qeyd olunan tarixədək tamamlayıb təsdiq etməlidir.

Təhsil Nazirliyi tərəfindən qeyd edilən məsələ ilə bağlı vətəndaş müraciətlərinin cavablandırılması üçün aşağıdakı xidmətlər təqdim olunur:

- Çağrı Mərkəzinin “146-5” nömrəsi (həftəiçi 5 gün aktiv fəaliyyət göstərəcək);

- “e-telebe.edu.az” elektron portalının daxilində yazışma (dəstək) bölməsi;

- (+994) 51 206 78 48 vatsap nömrəsi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.