ELM VƏ TƏHSİL


Tələbələr arasında “Made in Azerbaijan” biznes ideya müsabiqəsinə başlanılır

Bakı, 16 aprel, AZƏRTAC

Təhsil və Gənclər və İdman nazirlikləri, "Kapital Bank" ASC və UNEC-in birgə təşkilatçılığı ilə tələbələr arasında növbəti "Made in Azerbaijan" biznes ideya müsabiqəsinə başlanılır.

UNEC-in ictimaiyyətlə əlaqələr şöbəsindən AZƏRTAC-a bildirilib ki, qaliblər müsabiqənin sponsoru olan "Kapital Bank" ASC tərəfindən pul mükafatı qazanacaqlar. Müsabiqədə 1-ci yer 2000 AZN, 2-ci yer 1500 AZN, 3-cü yer 1000 AZN mükafat əldə edəcək. Finala çıxan komandalara Gənclər və İdman Nazirliyinin dəstəyi ilə üçgünlük mentorluq və digər təlimlər keçiriləcək.

"Made in Azerbaijan" biznes ideya müsabiqəsinin qrafiki:

16 aprel-5 may – biznes ideyaların qəbul edilməsi;

6-12 may – təqdim edilən biznes ideyaların Ekspert Şurası tərəfindən dəyərləndirilməsi və 5 finalçının müəyyənləşdirilməsi;

14-16 may - finalçılara mentorluq və təlimlərin keçirilməsi;

20-23 may – final mərhələsi və mükafatlandırılma.

Finala çıxmış biznes ideyaların təqdimatı və münsiflər heyəti tərəfindən 3 qalibin müəyyənləşdirilərək mükafatlandırılması. Biznes ideyalar mayın 5-dək [email protected] e-mail ünvanına göndərilə bilər.

Müsabiqənin təşkilində məqsəd "Qeyri-neft məhsullarının ixracının stimullaşdırılması ilə bağlı əlavə tədbirlər haqqında" Sərəncamın tətbiqinə ali təhsil müəssisələri səviyyəsində dəstək vermək, tələbələr arasında sahibkarlıq fəaliyyətinə marağı təbliğ etməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.