CƏMİYYƏT


“Təmiz Xəzər - abad ölkəm” layihəsi çərçivəsində təmizlik aksiyası keçiriləcək

Bakı, 17 may, AZƏRTAC

Mayın 18-də saat 10:00-dan 13:00-dək Xəzər Rayon İcra Hakimiyyətinin, Xəzər rayon gənclər və idman idarəsinin, Azərbaycan Memarlıq və İnşaat Universitetinin, “ASAN Könüllüləri” Məktəbinin birgə təşkilatçılığı ilə yay çimərlik mövsümünə hazırlıq, eyni zamanda, ətraf mühitin mühafizəsi və ekoloji tarazlığın qorunması məqsədilə “Təmiz Xəzər - abad ölkəm” şüarı altında təmizlik aksiyası keçiriləcək.

AZƏRTAC xəbər verir ki, Xəzər rayonunun Şüvəlan çimərliyində keçiriləcək aksiyanın məqsədi dəniz sahillərində təmizliyə riayət olunmasını təbliğ etmək, sahilyanı ərazilərin məişət tullantıları ilə zibillənməsinin qarşısını almaq və bütün gəncləri ətraf mühitinin mühafizəsi uğrunda mübarizəyə cəlb etməkdir.

Aksiyada Xəzər Rayon İcra Hakimiyyətinin, Xəzər rayon gənclər və idman idarəsinin kollektivi, rayonun fəal gəncləri, Azərbaycan Memarlıq və İnşaat Universitetinin tələbələri və ASAN könüllüləri iştirak edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.