REGİONLAR


Tərtərli fermerlər məhsul yığımını davam etdirirlər

Tərtər, 4 avqust, AZƏRTAC

Tərtər rayonunun iqtisadiyyatında aparıcı yer tutan kənd təsərrüfatında məhsul yığımı davam edir.

Rayon statistika idarəsinin rəisi Ədalət Məmmədov AZƏRTAC-ın bölgə müxbirinə bildirib ki, bu günədək 716,9 ton dən üçün qarğıdalı, 218 ton noxud, 10,3 ton dən üçün lobya, 26,6 ton dən üçün günəbaxan, 11 min 216,7 ton müxtəlif növ tərəvəz məhsulları, 4096,4 ton kartof, 6084,6 ton müxtəlif növ meyvə və giləmeyvə istehsal edilib. Hər hektardan orta məhsuldarlıq qarğıdalı üzrə 52,9 sentner, noxud üzrə 25,7 sentner, dən üçün lobya üzrə 51,5 sentner, günəbaxan üzrə 26,6 sentner, kartof üzrə 114,1 sentner, tərəvəz məhsulları üzrə 130,7 sentner olub. İstehsal olunan meyvənin 1880,2 tonu intensiv üsulla becərilən bağlardan toplanıb.

Hazırda rayonda məhsul yığımı ilə yanaşı, bəzi kənd təsərrüfatı bitkilərinin becərilməsi, təkrar və payızlıq əkinlər üçün şum işləri də davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.