İDMAN


Teymur Rəcəbovun da mübarizə aparacağı “Online Chess Masters” rapid turniri start götürür

Bakı, 20 iyun, AZƏRTAC

İyunun 20-də norveçli dünya çempionu Maqnus Karlsenin təşkilatçılığı ilə seriya turnirinin üçüncü mərhələsi olan “Online Chess Masters” rapid turniri start götürəcək.

AZƏRTAC xəbər verir ki, onlayn formatda keçiriləcək turnirdə Azərbaycan şahmatçısı Teymur Rəcəbov da mübarizə aparacaq.

Qeyd edək ki, seriya turnirinin birinci mərhələsi - “Magnus Carlsen Invitational” turnirinin qalibi M.Karlsen olub. İkinci mərhələ yarışında - “Lindores Abbey Rapid Challange” turnirində isə rusiyalı şahmatçı Daniel Dubov qələbə qazanıb.

Seriya çərçivəsində növbəti mərhələ - “Legends of Chess” iyulun 21-dən avqustun 5-dək təşkil ediləcək. Avqustun 9-dan 20-dək isə böyük final təşkil ediləcək. Beş yarışdan ibarət seriya turnirinin ümumi mükafat fondu 1 milyon ABŞ dollarıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.