DÜNYA


“The Guardian” qəzeti: “Facebook” 500 min funt-sterlinq cərimələnəcək

Bakı, 11 iyul, AZƏRTAC

“Facebook” şirkəti istifadəçilərin şəxsi məlumatlarını “Cambridge Analytica” şirkətinə ötürdüyünə və bu sahədə Britaniya qanunvericiliyini pozduğuna görə Böyük Britaniyada 500 min funt-sterlinq (663 min dollar) cərimələnəcək. Bu barədə “The Guardian” qəzeti məlumat yayıb.

AZƏRTAC TASS informasiya agentliyinə istinadla xəbər verir ki, Böyük Britaniyanın informasiya komissarının idarəsi sosial şəbəkənin öz istifadəçilərinin şəxsi məlumatlarını qoruyub saxlaya bilmədiyini, habelə bu məlumatların digər şirkətlər tərəfindən necə toplandığı barədə dolğun informasiya verə bilmədiyini müəyyən edib. “The Guardian” qəzetində yazılıb: “Facebook” Məlumatların Qorunması haqqında qanunda nəzərdə tutulan qoruma səviyyəsini təmin edə bilməyib”.

Bundan əvvəl “The New York Times” qəzeti “Cambridge Analytica” şirkətinin seçicilərin üstünlük verdiyi siyasi dəyərlərin təhlili alqoritmini hazırlamaq məqsədilə sosial şəbəkənin on milyonlarla istifadəçisinin şəxsi məlumatını toplamağa nail olduğunu yazıb.

Sosial şəbəkənin nümayəndələri bildiriblər ki, Kembric Universitetinin psixologiya üzrə professoru Aleksandr Koqan “Facebook” platformasında hazırladığı əlavənin köməyilə istifadəçilərin böyük həcmdə şəxsi məlumatlarını 2015-ci ildə “Cambridge Analytica” şirkətinə ötürüb. Həmin il sosial şəbəkə əlavəni bağlayıb, A.Koqandan və Britaniya şirkətindən məlumatları pozmağı tələb edib. Lakin məlum olub ki, “Cambridge Analytica” hesabı bağlandığı üçün informasiyanın heç də hamısını pozmaq mümkün deyil.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.