DÜNYA


Tripoli ətrafında gedən döyüşlərdə 254 nəfər həlak olub

Bakı, 22 aprel, AZƏRTAC

Liviyanın paytaxtı Tripoli ətrafında gedən ağır döyüşlərdə həlak olanların sayı 254 nəfərə çatıb. Onların arasında xeyli sayda qadınlar və uşaqlar da var.

AZƏRTAC xarici KİV-lərə istinadla xəbər verir ki, bu barədə Dünya Səhiyyə Təşkilatı sosial şəbəkələrdə məlumat yayıb. Məlumatda 1228 nəfərin yaralandığı bildirilir. Onlardan 89-nun vəziyyəti ağırdır. Qeyd olunur ki, 18 mindən çox insan isə öz evlərini tərk etmək məcburiyyətində qalıb.

Xatırladaq ki, aprelin 4-də Liviya Milli Ordusunun komandanı, feldmarşal Xəlifə Haftar Tripoliyə hücum əməliyyatının başladığını elan edib. Paytaxta nəzarət edən Milli Həmrəylik Hökumətinin rəhbəri Faiz Saracın əmri ilə ona tabe olan bütün hərbi birləşmələr tam döyüş hazırlığı səviyyəsinə gətirilib. Hazırda paytaxtın yaxınlığında qızğın döyüşlər gedir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.