DÜNYA


Tunis ordusu İŞİD qruplaşmasının 5 üzvünü zərərsizləşdirib

Qahirə, 17 may, AZƏRTAC

Tunis ordusunun Əlcəzairlə sərhəddə İŞİD terror təşkilatının üzvlərinə qarşı həyata keçirdiyi antiterror əməliyyatı nəticəsində 5 terrorçu məhv edilib.

AZƏRTAC xəbər verir ki, “Al-Arabiya” telekanalı terrorçu qruplaşmanın daha 8 üzvünün yaxalandığını bildirib.

Tunis ordusu və təhlükəsizlik xidmətinin Çənabi dağlarında həyata keçirdikləri birgə əməliyyat zamanı çoxlu sayda silah-sursat ələ keçirilib. Hazırda Əlcəzairlə sərhəddə İraq, Suriya və Liviyadan bu ərazilərə axın etmiş terrorçulara qarşı əməliyyat davam edir.

İŞİD terrorçuları altı il əvvəl Tunisin Sousa kurort şəhərindəki çimərlikdə 39 əcnəbi turisti qətlə yetiriblər. Bu hadisədən sonra ölkənin turizm sektoru ciddi böhran keçirib. Həmin vaxtdan Tunis ordusu mütəmadi antiterror əməliyyatları həyata keçirir.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.