İDMAN


Türkiyə Superliqası: “Trabzonspor” səfərdə “Göztəpə”ni məğlub edib

Bakı, 23 fevral, AZƏRTAC

Fevralın 22-də futbol üzrə Türkiyə Superliqasının XXIII turunun ilk görüşündə turnir cədvəlində 4-cü pillədə qərarlaşan “Trabzonspor” klubu səfərdə “Göztəpə”nin qonağı olub.

AZƏRTAC xəbər verir ki, “Bornova” stadionunda baş tutan görüş qarşılıqlı hücumlar şəraitində keçsə də, oyunda qonaqlar qalib gəlib. Qarşılaşmanın 27-ci dəqiqəsində Trabzon təmsilçisi Huqo Rodalleqanın vurduğu qolla hesab açılıb. Birinci hissə bu nəticə ilə yekunlaşıb. Meydan sahibləri isə görüşün 71-ci dəqiqəsində Deniz Kadahın 11 metrlik cərimə zərbəsindən vurduğu qolla hesabı bərabərləşdirib. Lakin 2 dəqiqə sonra qonaqlar yenidən üstünlüyü ələ alıblar. Abdulkadir Parmak komandasının 2-ci qolunu vurub. Sonda isə “Göztəpə”nin futbolçusu Kadu 90-cı dəqiqədə öz qapısına qol vuraraq Trabzon təmsilçisinin qələbəsini rəsmiləşdirib. Beləliklə “Trabzonspor” səfərdə “Göztəpə”ni 3:1 hesabı ilə məğlub edib.

Qalibiyyət sayəsində xallarının sayı 36 olan “Trabzonspor” turnir cədvəlində 4-cü yerdədir. “Göztəpə” isə 25 xalla 13-cü pillədə qərarlaşıb. Turun digər oyununda isə “Rizəspor” öz meydanında “Yeni Malatyaspor”u 3:0 hesabı ilə üstələyib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.