DÜNYA


Türkiyədə 1600 yaşı olan mozaika tapılıb

Ankara, 21 iyul, AZƏRTAC

Türkiyənin Muğla şəhərində yerləşən Eskihisar məhəlləsindəki UNESCO tərəfindən dünya maddi miras siyahısına daxil edilən qədim “Qladiatorlar şəhəri” adlandırılan Stratonikeia antik şəhərində aparılan qazıntı işləri zamanı təbii daşlardan mozaika tapılıb.

AZƏRTAC Anadolu Agentliyinə istinadla xəbər verir ki, mozaikanın üstündə Roma və Bizans imperatorluqları dövrünə aid yazılar da var. Çoxrəngli mozaika qrupuna daxil olan 1600 yaşlı bu əl işi dövrünün ən qiymətli və nadir əsərindəndir.

Qeyd edək ki, tarix turizmi Türkiyədə bu sahədə ən inkişaf etmiş bölmədi. Tarixsevərlər üçün daim yenilik etməyi bacaran Türkiyənin aidiyyəti qurumları antik şəhərlərdə apardıqları qazıntı və bərpa işləri ilə turistlər üçün yeni-yeni cəlbedici məkanlar yaradırlar. Stratonikeia antik şəhəri bu sahədə daim liderliyi saxlayır.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.