DÜNYA


Türkiyədə koronavirusdan bir gündə 116 nəfər həyatını itirib

Ankara, 19 noyabr, AZƏRTAC

Türkiyədə yeni növ koronavirus (COVID-19) pandemiyası ilə mübarizə məqsədilə qadağaların sərtləşdirilməsinə baxmayaraq gündəlik yoluxma sayında kəskin artım müşahidə olunur.

AZƏRTAC Səhiyyə Nazirliyinə istinadla xəbər verir ki, noyabrın 18-də Türkiyədə 158 min 811 nəfər testdən keçirilib. Onlardan 4215 nəfərin testinin nəticəsi müsbət çıxıb. Gün ərzində bu xəstəlikdən 116 nəfər ölüb, 2592 nəfər isə sağalıb. Ölkə üzrə indiyədək koronavirus infeksiyasına yoluxanların ümumi sayı 425 min 628 nəfərə çatıb.

Qeyd edək ki, təxminən bir ay əvvəl Türkiyədə gündəlik yoluxma sayı 1500-1700, sutkada ölüm halı isə 50-60 nəfər civarında dəyişirdi. Hazırkı yoluxma və ölüm sayı bir ay əvvəlki illə müqayisədə təxminən 2.4-2.6 dəfə çoxdur. Mütəxəssislər infeksiyanın hazırkı yayılma vəziyyətini kütləvi yoluxma həddi kimi dəyərləndirirlər.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.