CƏMİYYƏT


Türkiyənin Bitlis vilayətində Azərbaycanın Zəfər bayramı təntənə ilə qeyd olunub

Ankara, 26 oktyabr, AZƏRTAC

Azərbaycanın Türkiyənin Qars şəhərindəki Baş konsulluğunun təşkilatçılığı ilə Bitlis vilayətinin Ahlat rayonunda Azərbaycanın 44 günlük Vətən müharibəsində qazandığı rəşadətli qələbəyə həsr olunan Zəfər bayramı mərasimi keçirilib.

AZƏRTAC xəbər verir ki, əvvəlcə Azərbaycan və Türkiyənin Dövlət himnləri səsləndirilib, sonra şəhidlərimizin əziz xatirəsi bir dəqiqəlik sükutla yad olunub.

Çıxışında təcavüzkar Ermənistanın Azərbaycana qarşı işğalçılıq siyasətinin ağır nəticələri barədə müfəssəl məlumat verən baş konsul Nuru Quliyev diqqətə çatdırıb ki, Müzəffər Ali Baş Komandan İlham Əliyevin rəhbərliyi ilə yenilməz Azərbaycan Ordusu yağı düşməni torpaqlarımızdan qovaraq rəşadətli qələbə qazanıb. Diqqətə çatdırılıb ki, Prezident İlham Əliyev ətrafında sıx birləşən Azərbaycan xalqı milli Ordumuzun cəbhədə əzmlə mübarizə aparmasına təkan verib.

Naxçıvan Ali Məclisinin deputatı Elman Cəfərli çıxışında böyük qələbənin qazanılmasına aparan yoldan və tarixi zəfərin əhəmiyyətindən danışıb.

Çıxışlarda Azərbaycan-Türkiyə qardaşlıq münasibətlərinə geniş yer ayıran Bitlis valisi Oktay Çağatay, Ahlat icra nümayəndəsi Fikret Dağ və Ahlat bələdiyyəsinin sədri Abdülalim Mümtaz Çoban işğal altındakı torpaqlarımızın yağı düşməndən azad olunmasını Türkiyədə də eyni iftixarla qarşılandığını vurğulayıblar.

Bitlis Polis İdarəsinin rəisi Celal Özcan, Ahlat rayon milli təhsil idarəsinin rəisi Mutluk Özden və digər rəsmi şəxslərin, Türkiyənin yerli hakimiyyət orqanlarının digər rəhbər şəxslərinin, şəhər ictimaiyyətinin tanınmış simalarının iştirakı ilə keçirilən mərasim protokol hissə və bədii proqramdan ibarət olub.

Sonra mərasim rəngarəng bədii proqramla davam edib.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.