DÜNYA


“Türkmengaz” TAPI kəməri üçün Rusiyadan 150 min ton boru alıb

Aşqabad, 9 aprel, AZƏRTAC

Türkmənistanın “Türkmengaz” dövlət konserni Rusiyanın “Çelyabinsk Boru-Prokat Zavodu” ilə müqavilə imzalayıb.

AZƏRTAC xəbər verir ki, müqaviləyə əsasən, Türkmənistan-Əfqanıstan-Pakistan-Hindistan (TAPI) qaz kəmərinin tikintisində 150 min ton böyük diametrli borulardan istifadə olunacaq.

Müqavilənin dəyəri 200 milyon ABŞ dollarından çoxdur və ilk borular bu ilin ikinci rübündə çatdırılacaq. Bu borular TAPI qaz kəmərinin Türkmənistan ərazisindən keçəcək 200 kilometrlik hissəsinin tikintisində istifadə olunacaq.

TAPI-nın uzunluğu 1735 kilometrdir. Boru kəmərinin 200 kilometri Türkmənistandan, 735 kilometri Əfqanıstandan, 800 kilometri Pakistandan keçərək Hindistanadək uzanacaq.

İlahə Əhmədova

AZƏRTAC-ın xüsusi müxbiri

Aşqabad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.