CƏMİYYƏT


Turqay Abbaslı: Azərbaycan yanğınsöndürənləri Türkiyədə qarşıya qoyulan tapşırıqları uğurla yerinə yetirir

Muğla, 27 iyun, AZƏRTAC

Azərbaycan Prezidenti İlham Əliyevin tapşırığına əsasən, Fövqəladə Hallar Nazirliyinə (FHN) məxsus “BE-200ÇS” amfibiya tipli təyyarə 10 nəfərlik heyətlə Türkiyənin Muğla bölgəsindəki meşə yanğınlarının söndürülməsi ilə bağlı qarşıya qoyulan tapşırıqları uğurla yerinə yetirir. Azərbaycanın “BE-200ÇS” amfibiya tipli təyyarəsinin fəaliyyəti meşə yanğınlarının söndürülməsində və soyutma işlərində əhəmiyyətli təsirə malik imkanlara sahibdir.

Bu fikirləri AZƏRTAC-a açıqlamasında Fövqəladə Hallar Nazirliyinin İctimaiyyətlə əlaqə idarəsinin baş məsləhətçisi Turqay Abbaslı deyib.

Türk ictimaiyyətinin Azərbaycandan gələn qardaş köməyini böyük hərarətlə qarşıladığını diqqətə çatdıran T.Abbaslı bildirib ki, yanğınsöndürənlərimiz qardaş ölkədə baş vermiş meşə yanğınlarının söndürülməsində böyük fədakarlıqla iştirak edirlər.

T.Abbaslı “Bura bizim öz vətənimizdir. Nəinki meşələrin, bir ağacın da yanıb məhv olmasını istəmərik. Əminik ki, ən qısa zamanda meşə yanğınları təhlükəsi və riski arxada qalacaq”, - deyə fikirlərini davam etdirib.

Qeyd edək ki, “BE-200ÇS” amfibiya tipli təyyarə suyun üzərində durmadan 18-20 saniyəyə 12 ton su götürmə qabiliyyətinə malikdir.

Sabir Şahtaxtı

AZƏRTAC-ın xüsusi müxbiri

Muğla

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.