ELM VƏ TƏHSİL


UNEC-də xarici dilin tədrisində beynəlxalq standartlar: müzakirələr və təkliflər

Bakı, 2 mart, AZƏRTAC

Azərbaycan Dövlət İqtisad Universitetində (UNEC) xarici dilin tədrisində effektivliyin təmin olunması məqsədilə xarici dilin beynəlxalq standartlara uyğun tədrisinə start verilib.

Bu barədə AZƏRTAC-a UNEC-dən məlumat verilib. Bildirilib ki, I semestrdə xarici dil üzrə tədrisin və imtahanların təşkilinin yekunları barədə müzakirələrin aparılması və yeni təkliflərin dinlənilməsi məqsədilə UNEC-in rektoru, professor Ədalət Muradov və Xarici dil kafedrasının professor-müəllim heyəti ilə görüş keçirilib.

Görüşdə kafedra müdiri, professor Afət Abbasova ingilis dilinin tədrisinin təkmilləşdirilməsi ilə bağlı yerinə yetirilmiş işlər barədə məruzə edib. Qeyd edib ki, I semestrdə ingilis dilinin distant formada təşkili və tələbələrin biliyinin qiymətləndirilməsi oxuma, dinləmə, yazma və danışma bacarıqları üzərindən təşkil olunub. Dərslər A1 və A2 səviyyələri üzrə tərtib olunmuş sillabuslar əsasında, beynəlxalq dərsliklər vasitəsilə aparılıb. I semestrdə imtahan nəticələrinə görə tələbələrin ümumi müvəffəqiyyət göstəricisi 96 faiz, keyfiyyət göstəricisi isə 90 faiz olub. Müəllimlərin metodiki biliklərinin artırılması məqsədilə xarici mütəxəssislər tərəfindən müxtəlif təlimlərin keçirildiyi, dərslərin monitorinqlərinin aparıldığı da diqqətə çatdırılıb.

Rektor Ədalət Muradov 3-cü kursdan etibarən tələbələrə bir neçə ixtisas fənninin ingilis dilində keçiriləcəyini vurğulayaraq, tətbiq olunan yeniliyin məzunlara öz ixtisaslarına yiyələnməkə yanaşı, mükəmməl xarici dil biliklərinə sahib olmaq imkanı da yaradacağını qeyd edib.

Sonra ingilis dilinin tədrisinin daha da təkmilləşdirilməsi istiqamətində təkliflər səsləndirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.