Bakı, 29 may, AZƏRTAC

Azərbaycan xalqının Ümummilli Lideri Heydər Əliyevin anadan olmasının 100 illiyi və Müstəqillik Günü Kolumbiyanın paytaxtı Boqota şəhərinin mərkəzi küçəsində elektron lövhədə nümayiş etdirilib.

Bu barədə AZƏRTAC-a Azərbaycanın Meksikadakı səfirliyindən məlumat verilib.

Gün ərzində böyükölçülü lövhədə Azərbaycan Respublikasının dövlət bayrağı, Ümummilli Liderin fotoşəkli və Azərbaycan xalqının hər iki mötəbər hadisəni qeyd etməsi ilə bağlı şüarlar əks olunub.