İDMAN


Universiada: Atletika üzrə Avropa çempionu Nazim Babayev finalda çıxış edəcək

Bakı, 10 iyul, AZƏRTAC

İyulun 10-da Avropa çempionumuz Nazim Babayev XXX Ümumdünya Yay Universiadasının finalında çıxış edəcək.

Azərbaycan Atletika Federasiyasından AZƏRTAC-a bildiriblər ki, üç təkanla tullanma üzrə Avropa çempionu olan Nazim Babayev təsnifat mərhələsində universiadada 16,36 metr nəticə göstərərək finala yüksəlib. O, bu gün Bakı vaxtı ilə saat 21:05 finalda mübarizə aparacaq.

Digər idmançımız - IV İslam Həmrəyliyi Oyunlarında dördüncü yeri tutmuş Zəkiyyə Həsənova 100 metr məsafəyə qaçış növündə çıxış edib. Təmsilçimiz təsnifat mərhələsində 11 saniyəlik nəticə ilə dördüncü olaraq mübarizəni dayandırıb.

Atletlərimiz universiadaya məşqçi Ziyad Xəlfəliyevin rəhbərliyi ilə qatılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.