MƏDƏNİYYƏT


Uşaqlara həsr olunan konsert-sərgi keçirilib

Bakı, 31 may, X.Məmmədova, AZƏRTAC

Mayın 31-də C.Cabbarlı adına Azərbaycan Dövlət Teatr Muzeyində 1 iyun - Uşaqların Beynəlxalq Müdafiəsi Günü münasibətilə konsert-sərgi keçirilib.

AZƏRTAC xəbər verir ki, tədbiri açan muzeyin direktoru Sevinc Mikayılova 1 iyun - Uşaqların Beynəlxalq Müdafiəsi Gününün ölkəmizdə geniş şəkildə qeyd edilməsindən danışıb. Bildirib ki, uşaq hüquqları ilə bağlı yaranan məsələləri tənzimləmək və uşaqların müdafiəsini təmin etmək məqsədilə 1998-ci ildə “Uşaq hüquqları haqqında” Azərbaycan Respublikasının Qanunu qəbul olunub. Dövlətimiz uşaqlara hər zaman diqqət və qayğı ilə yanaşır.

Tədbirdə Uşaqların Beynəlxalq Müdafiəsi Günü ilə bağlı videoçarx nümayiş etdirilib. Azərbaycan Milli Konservatoriyasının nəzdində Respublika İncəsənət Gimnaziyasının istedadlı şagirdlərinin ifasında rəngarəng konsert proqramı təqdim olunub. Konsertdən sonra gimnaziyanın balaca rəssamlarının əl işlərindən ibarət sərgi açılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.