DÜNYA


Vatikanda koronavirus əleyhinə peyvənddən imtina edən şəxslər işini itirə bilərlər

Vatikan, 19 fevral, AZƏRTAC

Koronavirus əleyhinə peyvənd vurdurmaqdan imtina edən Vatikan işçiləri işlərini itirə bilərlər.

AZƏRTAC xəbər verir ki, bu haqda Vatikanın kommunikesində yazılıb. Beş min işçisi olan Vatikanda koronavirus əleyhinə peyvənddən ciddi səbəb olmadan imtina edən hər kəsin iş kontraktı dayandırıla bilər. Eləcə də Vatikanda işləmək üçün namizədliyini irəli sürən şəxslərdən koronavirus əleyhinə peyvəndləmədən imtina edənlər işə götürülməyəcəklər.

Mətndə qeyd edilib ki, pandemiyaya cavab vermək üçün dərhal fəaliyyət göstərmək zəruridir. Vurğulanıb ki, peyvəndləmədən imtina digər insanların həyatı üçün təhlükə yaradır və ictimai səhiyyədə ciddi problemlərin artmasına səbəb olur.

Diqqətə çatdırılıb ki, Roma Papası Fransisk və təqaüddə olan Papa XVI Benedikt koronavirus əleyhinə peyvənd ediliblər.

Şəhla Ağalarova

AZƏRTAC-ın xüsusi müxbiri

Vatikan

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.