SİYASƏT


Vladimir Kreydenko: Yanvar hadisələri Azərbaycanda sovet hakimiyyətinin süqutunun başlanğıcı oldu

Kiyev, 19 yanvar, AZƏRTAC

Bu günlərdə biz Azərbaycan xalqının tarixində 31 il bundan əvvəl Bakıda faciəli hadisələri xatırlayırıq. Həmin gün sovet ordusu kommunist rejimini qorumaq məqsədilə dinc dövrdə sovet şəhərinə hücum etmişdi. Əfsuslar olsun ki, həmin cinayətkar hərəkətlər nəticəsində 140 nəfərdən çox dinc sakin həlak oldu, yüzlərlə insan yaralandı.

Bu barədə AZƏRTAC-a müsahibəsində Ukrayna Ali Radasının deputatı, Ukrayna-Azərbaycan dostluq qrupunun həmsədri Vladimir Kreydenko bildirib.

Onun sözlərinə görə, bu hadisələr Azərbaycanda sovet hakimiyyətinin süqutunun başlanğıcı oldu. Buna bənzər hadisələr daha əvvəl Alma-Atada (1986), Tbilisidə (1989), sonradan Düşənbədə (1990), Vilnüs və Riqada (1991) baş verdi.

V.Kreydenko deyib: “Ukrayna ilə Azərbaycan Respublikası arasında əlaqələr üzrə parlamentlərarası qrupun həmsədri kimi mən Ukrayna parlamentinin bütün üzvləri adından həmin faciəli hadisələrdə günahsız qurbanların ailələrinə başsağlığı vermək istərdim. Bütün ölkələrin hökumətləri buna bənzər tarixi hadisələrdən dərs götürməlidirlər ki, bir daha heç bir ölkədə dinc sakinlərə qarşı belə dəhşətli cinayətlər baş verməsin”.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.