DÜNYA


Vladimir Putin Rusiyanın yeni enerji təhlükəsizliyi strategiyasını təsdiqləyib

Bakı, 14 may, AZƏRTAC

Rusiya Prezidenti Vladimir Putin ölkənin yeni enerji təhlükəsizliyi strategiyasını (doktrina) təsdiq edib.

AZƏRTAC xarici KİV-lərə istinadla xəbər verir ki, sənəd Rusiyanın enerji təhlükəsizliyinə dair dövlət siyasətində əsas ünsürləri əhatə edir. Strategiyada Rusiyanın beynəlxalq enerji təhlükəsizliyinə istiqamətlənən layihələrdə iştirakının xarici ölkələr tərəfindən məhdudlaşdırıldığı qeyd olunur.

Bəzi xarici ölkə və təşkilatların, xüsusilə neft və təbii qaz sektorunda Rusiyanın iştirak etdiyi layihələrə müxalif olduğu qeyd edilən sənəddə rus şirkətlərinin qlobal enerji bazarında məruz qaldığı “ayrı-seçkiliyin” aradan qaldırılmasının vacibliyi vurğulanır.

Avrasiya İqtisadi Birliyi və Müstəqil Dövlətlər Birliyi ölkələri ilə inteqrasiyanın inkişaf etdirilməsinin vacibliyinin bildirildiyi sənəddə BRICS (Braziliya, Rusiya, Hindistan, Çin və Cənubi Afrika Respublikasını özündə birləşdirən təşkilat), Şanxay Əməkdaşlıq Təşkilatı, Qaz İxrac Edən Ölkələr Forumu və Neft İxrac Edən Ölkələr Təşkilatı (OPEC) ilə əməkdaşlığın dərinləşdirilməsinin əhəmiyyəti qeyd edilir.

Rusiyanın maye təbii qaz (LNG) sektorunun da inkişafının vacibliyi qeyd olunan sənəddə enerji tarazlığında karbohidrogen ehtiyatlarının istehlakının azaldığı və bərpaolunan enerji mənbələrinin inkişaf etdirilməsinin vacibliyi vurğulanır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.