İDMAN


Vüqar Talıbov Avropa Gənclər Olimpiya Festivalının gümüş medalını qazanıb VİDEO

Bakı, 25 iyul, Leyla Qurbanova, AZƏRTAC

Azərbaycan cüdoçusu Vüqar Talıbov XV Avropa Gənclər Olimpiya Festivalının gümüş medalına sahib olub.

AZƏRTAC xəbər verir ki, idmançımız 73 kiloqram çəki dərəcəsində yarışın finalında italiyalı Luici Sentraçioya uduzub.

Mübarizəyə səkkizdəbir finaldan başlayan V.Talıbov əvvəlcə Dzianis Yauseyenkanı (Belarus), sonra çexiyalı Adam Kopeçkini ipponla məğlub edərək yarımfinala çıxıb. O, yarımfinalda Türkiyə təmsilçisi Musa Şimşəkə ipponla qalib gəlib.

Bu çəki dərəcəsində bürünc medalları portuqaliyalı Rodriqo Piresi məğlub edən hollandiyalı Yelle Van Teiylingen və Musa Şimşəkə qalib gələn serbiyalı Aleksandar Rayiçiç qazanıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.