İQTİSADİYYAT


Vüsal Qasımlı Avropa Yenidənqurma və İnkişaf Bankının nümayəndələri ilə görüşüb

Bakı, 5 oktyabr, AZƏRTAC

İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı Avropa Yenidənqurma və İnkişaf Bankının (AYİB) nümayəndə heyəti ilə onlayn görüş keçirib.

İİTKM-dən AZƏRTAC-a bildirilib ki, AYİB-in Rəqabətqabiliyyətli idarəetmə və siyasi məsələlər üzrə baş müşaviri Kristin Heydon, beynəlxalq təşkilatın məsləhətçiləri Lizaveta Traxalina və Nikola Liparinin də iştirak etdiyi görüş zamanı İİTKM-in icraçı direktoru Vüsal Qasımlı Azərbaycanda biznes və investisiya mühitinin yaxşılaşdırılması istiqamətində görülən işlər, əldə olunan nailiyyətlər və islahatlar barədə məlumatlar verib. Eyni zamanda, bu istiqamətdə növbəti 5 illik dövr üçün ölkənin inkişaf strategiyasında qəbul etdiyi hədəf indikatorları və icrasını təmin edən praktiki yanaşmaları qeyd edib.

Görüşdə Avropa İttifaqı və Avropa Yenidənqurma və İnkişaf Bankının birgə layihəsi olan “Ölkə üzrə investisiya mühitinin icmalı və fəaliyyət planları” sənədi müzakirə olunub. Hazırda Azərbaycan hökuməti ilə növbəti məsləhətləşmələr raundunda olan sənədin məqsədi biznes mühitinin təkmilləşdirilməsi üçün həyata keçirilə bilən islahatlar və potensial texniki yardım fəaliyyətləri üçün prioritet sahələrin müəyyən edilməsidir.

İİTKM-in departament rəhbərləri Rəşad Hüseynov və Vüsalə Cəfərovanın da iştirak etdiyi onlayn görüşdə Vüsal Qasımlı beynəlxalq mütəxəssislərin suallarını da cavablandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.