DÜNYA


Vyetnamda torpaq sürüşməsi nəticəsində dağıntı altında qalan 22 hərbçinin hamısı ölüb

Pekin, 19 oktyabr, AZƏRTAC

Vyetnamda torpaq sürüşməsi nəticəsində dağıntı altında qalan 22 hərbçinin hamısı ölü tapılıb.

AZƏRTAC yerli KİV-lərə istinadla xəbər verir ki, oktyabrın 18-də səhər saatlarında Vyetnamın mərkəzi hissəsində yerləşən Quanqtri vilayətində baş verən sürüşmə nəticəsində əsgər kazarması dağılmışdı. Təxminən bir sutka davam edən axtarış işlərindən sonra hərbçilərin meyitləri tapılıb. Kazarma Vyetnam ordusunun 4-cü korpusunun hərbi hissələrdən birinə aid olub.

Qeyd edək ki, oktyabrın əvvəlindən bəri Vyetnamda güclü yağışlar müşahidə olunur. Bu cür hava şəraitinin əmələ gətirdiyi torpaq sürüşməsi, palçıq axını, daşqın və sel 64 adamın ölümünə və itkin düşməsinə səbəb olub. Bir neçə gün əvvəl qonşu vilayətdə baş verən sürüşmə nəticəsində 13 hərbçi ölüb.

 

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.