XANƏRƏB BƏLƏDİYYƏSİ “AQROSERVİS” YARATMIŞDIR

AZƏRTAC-ın müxbiri xəbər verir ki, Bərdə rayonundakı Xanərəb bələdiyyəsi “Aqroservis” yaratmışdır. Aran Humanitar Regional İnkişaf Təşkilatı bələdiyyəyə təmənnasız olaraq əkin traktoru bağışlamışdır. Az müddətdə bələdiyyənin fonduna on milyon manatlarla gəlir daxil olmuşdur. Bələdiyyə əldə etdiyi gəlirlə “Aqroservis”ə yeni texnika almağı nəzərdə tutmuşdur. Torpaq vergisi ödəyən vətəndaşlara 30 faizlik güzəştlə texniki xidmət göstərilir. “Aqroservis” xidmətinin təşkili bələdiyyəyə ildə 100 milyon manatdan çox gəlir əldə etməyə imkan verəcəkdir ki, bu da kənddəki sosial problemlərin həllinə şərait yaradacaqdır.