“Xalq Bank” bankomat şəbəkəsini genişləndirir

Bakı, 29 iyul (AZƏRTAC). “Xalq Bank” müştərilərin rahatlığı üçün daha bir “Cash”in tipli bankomatı istifadəyə verib.

Bankdan AZƏRTAC-a verilən məlumata görə, plastik kart müştəriləri banka gəlmədən, günün istənilən vaxtı 24/7 rejimində fəaliyyət göstərən “Cash”in tipli bankomat vasitəsi ilə karta pul mədaxil edə bilərlər. Həmçinin kart üzrə kredit borclarını da ödəmək mümkündür. Bu bankomatın əsas üstünlüklərindən biri də pul vəsaitlərinin bankın iş rejimindən asılı olmayaraq istənilən vaxt müştərinin kart hesabına keçirilməsidir.