DÜNYA


Xarkov şəhərindəki Qocalar evində baş verən yanğın nəticəsində ölənlərin sayı artıb

Kiyev, 25 yanvar, AZƏRTAC

Ukraynanın Xarkov şəhərində Qocalar evində baş verən yanğın nəticəsində həlak olanların sayı artıb.

AZƏRTAC yerli KİV-lərə istinadla xəbər verir ki, yanğın zamanı xilas edilərək xəstəxanaya yerləşdirilən 83 yaşlı kişinin həyatını xilas etmək mümkün olmayıb. Həkimlər onun xəstəxanaya ağır vəziyyətdə qəbul edildiyini açıqlayıblar.

Bununla da yanğın nəticəsində həlak olanların sayı 16-ya çatıb. Ağır bədən xəsarətləri ilə xəstəxanaya yerləşdirilmiş dörd nəfərin müalicəsi isə davam etdirilir.

Xatırladaq ki, yanvarın 21-i yerli vaxtla 15:03-də Qocalar evinin ikimərtəbəli binasında baş verən yanğın nəticəsində 15 nəfər həlak olub. Faciə ilə bağlı yanvarın 23-ü Ukraynada matəm günü elan edilib.

Hadisə ilə bağlı 4 nəfər barəsində həbs qətimkan tədbiri seçilib. Həbs edilən şəxslər Qocalar evinin sahibi, inzibatçısı, kirayəçisi və onun arvadıdır. Məlumata görə, Qocalar evi qanunsuz fəaliyyət göstərib və qeydiyyatı olmayıb.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.