QAN YADDAŞI


Xocalı faciəsinin iyirmi doqquzuncu ildönümü ilə əlaqədar “Soyqırımı” adlı sərgi-müsabiqə elan edilib

Bakı, 16 fevral, AZƏRTAC

Xocalı faciəsinin iyirmi doqquzuncu ildönümü ilə əlaqədar Lənkəran Şəhər Gənclər və İdman İdarəsinin və Lənkəran Regional Mədəniyyət İdarəsinin birgə təşkilatçılığı ilə “Soyqırımı” adlı sərgi-müsabiqə elan edilib.

Gənclər və İdman Nazirliyinin mətbuat xidmətindən AZƏRTAC-a bildiriblər ki, sərgi-müsabiqədə iştirak etmək istəyən gənclər fevralın 16-dan 25-dək əl işlərini - foto və videolarını Lənkəran Şəhər Gənclər və İdman İdarəsinin lenkeranshgii@gmail.com  elektron ünvanına və ya 050 748-68-78 (WhatsApp) nömrəsinə göndərə bilərlər.

Sərgi-müsabiqəyə təqdim olunan əl işləri bədii tələblərə cavab verməli, Xocalı soyqırımı faktlarını dolğun əks etdirməli və gənc nəslin vətənpərvərlik ruhunda tərbiyəsinə xidmət etməlidir.

Müsabiqəyə Vətən uğrunda gənc qəhrəmanlarımızın mərdliyini və igidliyini rəngkarlıq, qrafika, heykəltəraşlıq, dekorativ-tətbiqi sənət əsərlərində bacarıq və ustalıqla əks etdirən işlər qəbul olunacaq.

Sərgi-müsabiqəsinin qalibləri Lənkəran Şəhər Gənclər və İdman idarəsi tərəfindən təltif olunacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.