CƏMİYYƏT


Xüsusi karantin rejimi ilə əlaqədar Mingəçevirdə növbəti reyd keçirilib

Bakı, 13 avqust, AZƏRTAC

Mingəçevir Şəhər Polis Şöbəsinin əməkdaşları ictimai nəqliyyatda və qapalı məkanlarda tibbi maskadan istifadə etməyən şəxslərə qarşı reyd keçiriblər.

Daxili İşlər Nazirliyinin mətbuat xidmətinin Şəki regional qrupundan AZƏRTAC-a verilən məlumata görə, reyd zamanı şəhərdə fəaliyyət göstərən bir neçə gözəllik salonunda, mağazalarda və digər qapalı məkanlarda tənəffüs yollarını qoruyan fərdi vasitələrdən istifadə etməyən şəxslərə rast gəlinib. Onlarla profilaktik söhbətlər aparılıb, qaydalara riayət etmələrinin vacibliyi izah olunub. Həmçinin şəhərdaxili sərnişindaşıma ilə məşğul olan nəqliyyat vasitələri də Dövlət Yol Polisi Bölməsinin əməkdaşları tərəfindən saxlanılıb. Bəzi sürücülərin və sərnişinlərin tibbi maskadan istifadə etmədikləri aşkarlanıb.

Qaydaları pozan şəxslər barədə qanunauyğun tədbirlər görülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.