CƏMİYYƏT


YAP Nizami rayon təşkilatında “Şahin” hərbi-idman oyununun qalibləri ilə görüş keçirilib

Bakı, 13 may, AZƏRTAC

Yeni Azərbaycan Partiyası (YAP) Nizami rayon təşkilatında ümummilli lider Heydər Əliyevin doğum günündə keçirilmiş “Şahin” hərbi-idman oyununun qalibi olmuş 220 saylı orta məktəbin kollektivi ilə görüş keçirilib.

AZƏRTAC xəbər verir ki, görüşdə çıxış edən YAP Nizami rayon təşkilatının sədri Ramil Vəlibəyov, Vətən müharibəsinin qazisi Nicat Cəlilov qalibiyyət münasibətilə məktəbin kollektivini təbrik ediblər. Bildiriblər ki, “Şahin” hərbi-idman oyunu yeniyetmələrin, gənclərin hərbi hazırlıqlarının artırılmasına, vətənpərvərlik ruhlarının daha da yüksəldilməsinə xidmət edir.

Diqqətə çatdırılıb ki, Müzəffər Ali Baş Komandan, Prezident İlham Əliyevin rəhbərlik etdiyi, Qarabağı işğaldan azad etmiş rəşadətli Azərbaycan Ordusunu təşkil edən gənclərin əksəriyyəti də bu vətənpərvərlik yolunu keçib.

Sonda “Şahin” hərbi-idman oyununun qalibləri mükafatlandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.