İQTİSADİYYAT


Yanvar-iyulda qeyri-neft-qaz sektoruna yönəldilmiş vəsaitin həcmi 9,7 faiz artıb

Bakı, 21 avqust, AZƏRTAC

2019-cu ilin yanvar-iyul aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 7 milyard 395,5 milyon manat və ya əvvəlki ilin müvafiq dövrü ilə müqayisədə 2,7 faiz az vəsait yönəldilib.

Dövlət Statistika Komitəsindən AZƏRTAC-a verilən məlumata görə, bu, neft-qaz sektoruna yatırılmış investisiyaların azalması ilə bağlı olub.

Qeyri-neft-qaz sektoruna yönəldilmiş vəsaitin həcmi isə 9,7 faiz artıb. Ümumi sərmayənin 4 milyard 755,1 milyon manatı və ya 64,3 faizi məhsul istehsalı sahələrinin, 1 milyard 950,5 milyon manatı (26,4 faizi) xidmət sahələrinin, 689,9 milyon manatı (9,3 faizi) isə yaşayış evlərinin tikintisinin payına düşüb.

Ümumi sərmayənin 47,7 faizi dövlət, 52,3 faizi qeyri-dövlət sektorunun sərmayədarları tərəfindən qoyulub. Əsas kapitala yönəldilmiş vəsaitlərin 67,7 faizi tikinti-quraşdırma işlərinə sərf olunub.

Daxili mənbələrdən əsas kapitala yönəldilmiş vəsaitin dəyəri ümumi sərmayənin 70,8 faizini təşkil edib.

Əsas kapitala yönəldilmiş sərmayədə müəssisə və təşkilatların vəsaitləri 4 milyard 85,5 milyon manat, bank kreditləri 584,9 milyon manat, büdcə vəsaitləri 2 milyard 81,3 milyon manat, büdcədənkənar fondların vəsaitləri 113,4 milyon manat, əhalinin şəxsi vəsaitləri 506,6 milyon manat, digər vəsaitlər isə 23,8 milyon manat olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.