DÜNYA


Yaponiya Fond Birjasında “Nikkey” indeksi kəskin enib

Tokio, 4 dekabr, AZƏRTAC 

Dekabrın 4-də Tokio Fond Birjasında səhmlərin qiyməti kəskin enib, aparıcı “Nikkey” indeksi isə hərracların başa çatması məqamında 500 bənddən artıq aşağı düşüb.

AZƏRTAC xəbər verir ki, investorlar səhmlərin müəyyən müddət ərzində artımı zamanı əldə edilən mənfəəti saxlamaq üçün səhmləri satmağa məcbur olublar. Hərracların başa çatması məqamında “Nikkey” indeksi 22036 həddində olub ki, bu da bir gün əvvəlki göstəricidən 538 bənd və ya 2,4 faiz aşağıdır.

Xatırladaq ki, hərracların bundan əvvəlki yeddi günü ərzində bu indeks 1000 bənd və ya 5 faizdən çox artmışdı.

Bəzi investorlar ABŞ-Çin ticari danışıqlarının perspektivlərinə pessimist yanaşırlar. Onlar inanmırlar ki, dünyanın bu iki nəhəng iqtisadiyyatı təyin edilmiş vaxta, yəni fevralın sonunadək həm intellektual mülkiyyətin qorunması, həm də digər mübahisəli məsələləri yoluna qoya biləcəklər.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.